the combination — КОТУР

🩻  На 11 септември во 21:30 часот во КОТУР, серијалот {ДНО} го претставува THE COMBINATION, кореографски експеримент на Darío Bardam и првиот гест кон неговото четврто кореографско дело.

The Combination започнува од идејата за една единствена, непрекината танцова фраза. Црпејќи од различни телесни и движечки вокабулари, од клупската култура и урбаните танци, до канарските и македонските фолклорни традиции, Бардам истражува што се случува кога движењата се надоврзуваат, судираат и преобразуваат едни во други.

Изведбата која ќе ја видите во живо во КОТУР не претендира да биде претпремиера, ниту work-in-progress на веќе дефинирана претстава, туку претставува самиот почеток на идеја што за првпат ќе биде тестирана пред публика во Скопје и од која, во текот на следните години, постепено ќе се развива ново кореографско дело.

🧯  А потоа, ноќта, од експеримент, директно продолжува на подиум: Dadi Damas со DJ сет за затворање на вечерта PERREO SUCIO: валкано регетонско триење, перрео и тела во движење.

🗓️  11.09 (петок) | 21:30
📍 КОТУР

Настанот е во организација на Коалиција МАРГИНИ, во рамки на серијалот {ДНО}, како дел од годишната придружна програма на Skopje Pride Weekend

🧜‍♀️  Darío Barreto Damas е танчер од Канарските Острови, кој работи меѓу Тенерифе, Софија и Скопје. Во текот на својата кариера, како танчер, коавтор и изведувач, соработувал со Cullberg, Aleksandar Georgiev, Deborah Hay, Cristina Caprioli, Ofelia Jarl Ortega, Philip Berlin и Poliana Lima, меѓу другите. Заедно со Beatriz Bello, Darío го води LAV-C (Laboratorio de Artes Vivas y Ciudadanía de Canarias). Тој е ко-сонувач на ICC (Imaginative Choreographic Center) и коосновач на уметничкиот тим STEAM ROOM.

Проектот е финансиран од програмата Креативна Европа на Европската Унија и имплементиран од Гете-институт преку Culture Moves Europe. Ова дело е создадено со финансиска поддршка на Европската Унија. Изразените ставови на никаков начин не може да се смета дека го одразуваат официјалното мислење на Европската Унија.