Java e Ndërgjegjësimit Transgjinor

Po e shënojmë Javën e Ndërgjegjësimit Transgjinor 🏳️‍⚧️

Në mbarë botën, të drejtat e personave trans po sulmohen gjithnjë e ma shumë. Prej ligjeve që kufizojnë njohjen ligjore të identitetit gjinor dhe qasjen në kujdes shëndetësor, deri te fushatat politike që përhapin urrejtje, dezinformim dhe frikë ndaj personave trans, po përballemi me nji valë të organizume të sulmeve ndaj ekzistencës dhe të drejtave trans.

Këto sulme nuk mbesin veç në ligje e deklarata politike, po ushqejnë diskriminimin, përjashtimin dhe dhunën që personat trans e përjetojnë çdo ditë.

Në këtë klimë, ndërgjegjësimi nuk mundet me u kufizu veç në nji javë postimesh e deklaratash solidariteti, por me i kundërshtu narrativat që na dehumanizojnë, me i sfidu politikat që na i mohojnë të drejtat dhe me u solidarizu me personat trans në betejat e tyne për siguri, dinjitet dhe liri.

Personat trans kanë ekzistu gjithmonë. Nuk jemi këtu për me kërku leje me ekzistu, por për me jetu lirshëm, me dinjitet dhe pa frikë. Kjo javë na kujton se mbrojtja e të drejtave trans osht përgjegjësi e përbashkët dhe se solidariteti duhet me u dëshmu përtej fjalëve.

Kjo javë përmbyllet me Ditën e Përkujtimit të Personave Transgjinorë, më 20 nëntor, kur nderojmë kujtimin e atyne që kanë humbë jetën si pasojë e dhunës anti-trans.

Posteri: Fotografi e Greer Plankton e realizume nga Nan Goldin.