Skopje Pride

🚨 Во Skopje Pride има место за тебе! ❤️ (ПРОЧИТАЈ ПОДОЛУ! Линк за пријава во био)

Skopje Pride е протест и простор за заедничка борба за достоинствен живот, слобода и еднаквост и градење мрежа на солидарност. Но, пред сè, Прајд е настан од и за заедницата.

Со цел самата заедница да има поголемо учество и увид во организирањето, го отвораме Организацискиот одбор за нови членови и членки кои сакаат да придонесат во подготовка и реализација на Skopje Pride 2027. Веруваме дека со вклучување на различни идеи, перспективи, знаења и искуства ќе успееме од година во година да имаме Прајд што сѐ пореалистично ќе ги одразува реалностите, потребите и политичките барања на нашата заедница.

Организацијата се одвива на волонтерска основа, во услови на ограничени ресурси. Заедничката работа ќе ја организираме во различни тимови, зависно од интересите и можностите на членовите и членките: логистика и координација, комуникации и односи со јавност, социјални мрежи, креативни содржини, продукција и други области потребни за организација и спроведување на Парадата.

Не е неопходно да имаш претходно искуство во организирање на Прајд. Важно ни е да сакаш да учествуваш, да соработуваш и да придонесеш кон заедничката борба.

✊ Skopje Pride не е само еден ден на бунт и прослава во годината, туку застапувачко тело и заедница што ја градиме заедно.

📝 Ако сакаш да бидеш дел од процесот, пополни ја пријавата преку линкот во био до 31 октомври. Деталите околу динамиката на среќавање, обврските и приоритетите ќе ги договараме заедно на средбите.